Արդյունավետ մարդկանց 7 սովորույթները

/Անձի փոփոխության արդյունավետ դասընթացներ/

Աշխարհայացք – պարադիգմա/սկզբունքներ

Ուժեղ պարադիգման ոսպնյակ է, որի միջոցով մենք նայում ենք աշխարհին: Պարադիգման անբաժանելի է բնավորությունից: Ըստ էության մեր սովորույթները մեր բնավորության բաղադրիչներն են: Ինչպես ասույթն է ասում. “Գաղափարը գործողություն է ծնում, գործողությունը` սովորույթ, սովորույթը` բնավորություն, բնավորությունը` ճակատագիր”:  Սովորույթները ազդեցիկ գործոններ են մեր կյանքում: Քանզի նրանք կայուն են, հաճախ ենթագիտակցության արդյունք, մշտապես և ամեն օր արտացոլում են մեր բնավորությունը, արտահայտում մեր արդյունավետությունը կամ անարդյունավետությունը

Մենք մեր շարունակական գործողությունների արդյունքն ենք: Հետևապես, գերազանցությունը ոչ թե գործողություն է, այլև սովորույթ Արիստոտել

“7 սովորույթների” տեսությունը - հոգեբանական մեխանիզմ չէ կամ բանաձևների համախումբ: Համահունչ բնականոն աճին նրանք առաջարկում են աստիճանական, հաջորդական և ընդգրկուն մոտեցում անհատական և միջանձնային արդյունավետության զարգացմանը` աստիճանական անցում կատարելով կախվածությունից փոխկախվածության:  

Անձնական հաղթանակ

Սովորույթ 1: Եղի’ր նախաձեռնող/պրոակտիվ

Անհատական երևակայության սկզբունքները

Չկա ավելի քաջալերիչ երևույթ կյանքում, քան մարդուն տրված ունակությունը` բարելավել սեփական կյանքը գիտակցական ջանքերով¸Հենրի Դավիթ Թորեա

4 անգնահատելի հատկանիշներ - ինքնագիտակցություն, երևակայություն, խիղճ և անկախ կամք – որոնց շնորհիվ մեզ տրվում է մեր վերաբերմունքը, արձագանքն ու պատասխանը ընտրելու ազատություն – ունակություն` հատուկ միայն նախաձեռնող մարդկանց:

Պատասխանատվություն կրիր ու մի մեղադրի հանգամանքներին ու իրավիճակներին –կարևոր չէ` անձրևում է դրսում ու թե ինչպիսի արտացոլանք ունի սոցիալական հայելին -եղիր նախաձեռնող և ստեղծիր քո “ԵՂԱՆԱԿԸ”

Սովորույթ 2: “Սկսիր վերջնարդյունքը պատկերացնելով

… իմ արժեքներն են”: “Իմ նպատակն է …”: “… կյանքում ունեցած իմ դերերն են”: – փորձե’ք ավարտուն դարձնել այս արտահայտությունները` հիմնվելով ձեր կենտրոնների/սկզբունքների վրա, գրե’ք ձեր կյանքի սահմանադրությունը և համահունչ քայլեր ձեռնարկե’ք այն իրականացնելու համար:

“Սկսիր վերջնարդյունքը պատկերացնելով” – սովորույթ պատկերացնել մեր կյանքի տեսլականը/պատկեըր, կամ պարադիգման այսօրվանից: Մեր կյանքի վերջնարդյունքի հստակ պատկերը ունենալով մեր երևակայության մեջ, թույլ կտա մեզ գործել մեր համար այդքան կարևոր սկզբունքների ներքո:

Սովորույթ 3: Սկզբում արա առաջնայինը

Անհատի կառավարման սկզբունքները

Մի պահ կանգ առ ու պատասխանիր հետևյալ հարցին, -“Արդյո˚ք կա մի գործողություն /այն ես չեմ անում հիմա/ , որ պարբերաբար իրականացնելով  էական փոփոխություն կբերեր իմ կյանքում”:  - Այո’, դու’ք ունե’ք այդ պատասխան- շատ կարևոր գործողություն, բայց չի իրականացվում, քանի որ այն շտապ չէ:

·        Կիրառե’նք, “ինքնակառավարում” գործիքը – պլանավորե’նք մեր նպատակներին համահունչ. Համոզվե’նք, որ դրանք բխում են կյանքում ունեցած մեր դերերից, պլանավորված են շաբաթական գրաֆիկով, սահմանե’նք կոնկրետ օրեր դրանք իրականացնելու համար:

·        Մշակե’նք պատվիրարկելու մեր ունակությունը. իրականացնե’նք մեր նպատակները մարդկանց ընդգրկելով` փոխկախվածության մթնոլորտում:

Հանրային հաղթանակ

Փոխկախվածության պարադիգմա

Անհնար է ընկերությունը առանց վստահության, վստահությունը` առանց ազնվության, Սամուել Ջոնսն

Հիշենք` արդյունավետ փոխկախվածությունը հնարավոր է միայն ճիշտ անկախության պարագայում:

Անձնական հաղթանակին հաջորդում է հանրային հաղթանակը: Հանրահաշիվը նախորդում է հաշվարկին:

Էմոցիոնալ բանկային հաշիվ

Վստահության հիման վրա կառուցված հարաբերություններ

Պահ տանք մեր “քաղաքավարություն”, “բարիություն”, “ազնվություն” “պահել խոստումները”  ավանդները Էմոցիոնալ բանկային հաշվում  և օգտվե’նք այդ “հաշվեհամարից” անհրաժեշտության դեպքում:

6 հիմնական ավանդներ

1.      Հասկանանք դիմացին

2.      Ուշադիր լինենք մանրուքների նկատմամբ /սակայն մի’ եղե’ք բծախնդիր/

3.      Պահենք մեր խոստումները

4.      Հստակեցնենք մեր ակնկալիքները

5.      Լինենք ազնիվ

6.      Ներողություն խնդրենք թույլ տված սխաների համար

Սովորույթ 4: Մտածիր հաղթանակ-հաղթանակ սկզբունքով

Միջանձնային առաջնորդություն

Այն տեխնիկա չէ - անհատի փոխհարաբերության բացարձակ պարադիգմա է: Այն ազնվությունից, հասունությունից ու մտածելակերպից բխող բնավորություն է. Ծնունդ` լիակատար վստահության, մարմնավորված համաձայնությամբ` արդյունավետորեն սահմանված և կառավարված ակնկալիքներով ու իրականացումներով:

Հաղթանակ-հաղթանակ սկզբունքը հենք է մտքի և սրտի, որ ձգտում է հասնել փոխշահավետության մարդկային հարաբերություններում:

Սովորույթ 5: Նախ փորձիր հասկանալ, ապա լինել հասկացված

Էմպատիկ հաղորդակցության սկզբունքները

Դատե’նք իրերը դիմացինի տեսանկյունից, թափանցե’նք նրա երևակայության համակարգը: Նայե’նք աշխարհին նրա պատուհանից, հասկանանք նրա աշխարհայացքն ու զգացմունքները:

Էմպատիկ լսել չի նշանակում կարեկցել…

Փորձե’նք հասկանալ  նախքան խնդրի վերհանումը, գնահատելն ու մեկնաբանելը…

Սովորույթ 6: Սիներգիա

Ստեղծագործ համագործակցության սկզբունքը

Եթե ունե’նք խնդրի լուծման միայն 2 տարբերակ` ճիշտ և սխալ, փորձե’նք գտնել նաև 3-րդ տարբերակը – աշխատե’նք Հաղթանակ-Հաղթանակ սկզբունքով և փորձե’նք Նախ Հասկանալ: Սովորաբար, կա ավելի նախընտրելի լուծում. փոխշահավետ բոլորի համար:

Սիներգիա նշանակում է 1+1 հավասար է 8-ի, 16-ի և նույնիսկ 1600-ի…

Վերականգնում

Սովորույթ 7: Սրի’ր սղոցը

Անհատական վերականգման հավասարակշռող սկզբունքներ

Երբեմն, երբ ես մտածում եմ, թե ինչ մեծ հետևանքների են բերում մանրուքները, ես սկսում եմ մտածել, որ մանրուք գոյություն չունի… Բրյուս Բարթոն

Վերականգնումը սկզբունք է – գործընթաց` շարունակական աճի և բարեփոխման, աստիճանական բարելավում – 4 բնական գործոնի` ֆիզիկական, հոգևոր, մտավոր և սոցիալ/զգացմունքային,  վերականգնում:

Մենք պահպանում և բարելավում ենք մեր ունեցած ամենաթանկ ռեսուրսը` մեր անհատականությունը

“Արդյունավետ  մարդկանց 7 սովորույթները” գիրքը առաջարկում է հնարավորություն և ոչ  թե հրահանգներ: Հնարավորություն` ավելի լավ ինքնաճանաչման և ազդեցության, որ ունենաք այլոց նկատմամբ: Հիանալի գիրք, որ ի վիճակի է փոխել մեր կյանքը:

Թիմային աշխատանքի կանոնները

Ընդունելություն

Հռետորիկայի դասընթաց